මගේ පාප මිත්‍ර සේනාව

ටික දවසකට පසු සජ්ජ යලි කරලියට. පහුගිය දවස් ටිකේ සජ්ජ ලෙඩ ඇඳේ. තාමත් එහෙම තමයි. ඒ උනාට කාටද අප්ප පුලුවන් ඇඳටම වෙලා ඉන්න? ඉතින් මගෙ පලවෙනි පෝස්‍ටුව බලල කොමෙන්ට් කොටපු හැමෝටම ටැන්කු වේවා. අද මට හිතුන මගෙ පාප මිත්‍ර සමාගම ගැන පොඩ්ඩක් කියල දාන්න. මගෙ පාප මිත්‍රයො ඔක්කොම ගැන දාන්න1 පෝස්‍ටුවක් මදි වෙය්. බැරි වෙන උන් ගැන කමින් සූන් පෝස්‍ටු වල දාන්නම්කො.
                                                     මුලින්ම විමා. විමා වනාහි පුර්ෂයෙකි. මූ අවදි වන්නේ හිමිදිරි පාන්දර 11ට පමණ වේ.  ඌට ආදරේට කියන්නේ කොබා කියාය. අපේ සෙට් එකේ කරන තරමක් කුපාඩි වැඩ කරන්නේ මූ ය. මූ පෙර කලක එක්තරා නාරි දේහයක් පසුපස ගොස් චාටර් වී දැන් සුපුරුදු සුවෙන් වාසය කරයි. තව කීමට විශේෂ කරුණක් තිබේ. විමා නාන්නේ වර්ෂා කාලයට පමණී. ඒද බැරි වෙලාවත් වැස්සට අහු වූ විටය.
                                                     ඊලගට ගොපාය. මූද තරමක් විමාට සමාන වේ. විමා මෙන් හිමිදිරි පාන්දර අවදි වීමට කැමැත්තක් දක්වන ගොපා නිතරම නා ගනී. අප සියලු දෙනාට වඩා කම්පීටර් දැනුමක් ඇති මූව ෂේප් එකේ තබා ගැනීම නුවනට හුරුය. අපගේ නිල චිත්තරපට සැපයුම් කාරයාද ගොපාම වේ. නිල චිත්තරපට කිව්වාට ඒවා නිල් චිත්තරපට නොවේ. මොනා උනත් ගොපා නියම බුලකි.

                                                     අපේ සෙට් එකේ තවත් චාටර් බුලක් වන්නේ ගයා ය. ඌට ආදරේට කියන්නේ ගබුවා කියාය. ගබුවට කල ගෙඩියක් තරම් බඩ ගෙඩියක්ද ඔලුව පුරාම මොලේද තිබේ. ඒ මක් නිසාද යත් අපේ සෙට් එකෙන් උ/පෙ ට හොද ප්‍රතිපලයක් බලාපොරොත්තු වන්නේ ඌ පමණී. ඌත් නෑමට ටිකක් හොරය. නමුත් කෑමට නම් ටිකක්වත් පසුබට වන්නේ නැත.
                                                     අද පෝස්‍ටුවෙන් අවසානෙට කතා කරන්නේ අචියා ගැනය. උගේ ආදර නාමය වන්නේ කට්ටා ය. අප සා/පෙ කල කාලයේදී පන්ති කට් කිරීමට පෙරමුන ගන්නේ කට්ටා ය. තවද අප සෙට් 1 අතරින් කාන්තා පාර්ශවය පිලිබඳ දැනුමෙන් කට්ටා දෙවෙනි වන්නේ එසියාට පමණි. එසියා පිලිබඳව වෙනමම පෝස්‍ටුවකට සෑහෙන තරම් කරුනු පවතින නිසා ඌ ගැන  දැන් කරුනු නොදක්වමි. නැවත කට්ටා ගැන කිව්වොත් ඉල්ලන් කෑම කට්ටාගේ විනෝදාංශය වේ.  
                                                                        
                                                     ඉතින් මේ මගේ පාප මිත්‍රයන්ගෙන් කොටසක් විතරයි. ඉස්සරහට කතා කියන්න මේ ටිකත් ඕන වෙන හින්ද වෙන වෙනම අඳුන්වල දෙන්න හිතුන.
                                                                      එහෙනම් ජය වේවා............ ආයෙ පෝස්‍ටුවකින් හම්බෙමු.